![6.GĦTP22_Rebbieħa L-Ewwel Tlett Postijiet_Credits Photocity 1280 px](https://www.ghanjatalpoplu.org/wp-content/uploads/6.GHTP22_Rebbieha-L-Ewwel-Tlett-Postijiet_Credits-Photocity-1280-px-1.jpg)
L-Għanja tal-Poplu – Festival tal-Kanzunetta Maltija ttella’ s-Sibt 30 ta’ Lulju fi Pjazza Teatru Rjal bis-sehem tal-Malta Concert Orchestra taħt id-direzzjoni tal-Mro Joe Brown. Il-festival ixxandar live fuq TVM bil-preżentazzjoni ta’ Valerie Vella. Għal dan il-festival daħlu 131 kanzunetta.
![Square poster 400×400 for CD Baby](https://www.ghanjatalpoplu.org/wp-content/uploads/Square-poster-400x400-for-CD-Baby.png)
Ir-Rebbieħa
![Rebbieha – Lon Chicop u Alexia Micallef – Ingrid Vella ghall-Ghanja tal-Poplu](https://www.ghanjatalpoplu.org/wp-content/uploads/Rebbieha-Lon-Chicop-u-Alexia-Micallef-Ingrid-Vella-ghall-Ghanja-tal-Poplu-scaled.jpg)
Il-kanzunetta ‘Fil-Kexxun’ interpretata minn Alexia Micallef fuq kliem u mużika ta’ Lon Kirkop rebħet it-titlu ta’ L-Għanja tal-Poplu 2022. Il-kanzunetta rebbieħa titkellem fuq diffikultajiet li jgħaddu minnhom individwi li għandhom l-anoressija filwaqt li tagħtihom tama li din il-kundizzjoni tista’ tingħeleb. Alexia Micallef rebħet ukoll il-premju Enzo Gusman għall-aħjar interpretazzjoni.
Il-kanzunetta ‘Ismi’ kantata minn Marija Bellia, fuq kliem u mużika ta’ Iona Dalli u Marija Bellia, ġiet ikklassifikata fit-tieni post. Il-kanzunetta hija mnebbħa mill-istupru u l-qtil brutali ta’ Paulina Maria Dembska fil-bidu ta’ din is-sena u tittratta l-femiċidju, l-abbuż domestiku, l-istupru, u dak kollu li għandu x’jaqsam mal-biża’ li kontinwament tgħix fih il-mara fis-soċjetà. Marija Bellia ħadet ukoll il-premju għall-aħjar kantawtur.
![3.GĦTP22_It-Tieni Post u L-Aħjar Kantawtur_Ismi_Marija Bellia u Iona Dalli_Credits Photocity Cropped](https://www.ghanjatalpoplu.org/wp-content/uploads/3.GHTP22_It-Tieni-Post-u-L-Ahjar-Kantawtur_Ismi_Marija-Bellia-u-Iona-Dalli_Credits-Photocity-Cropped.jpg)
![5.GĦTP22_It-Tielet Post_Ħelu Manna_MARA_Emil Calleja Bayliss_Philip Vella_Credits Photocity](https://www.ghanjatalpoplu.org/wp-content/uploads/5.GHTP22_It-Tielet-Post_Helu-Manna_MARA_Emil-Calleja-Bayliss_Philip-Vella_Credits-Photocity-scaled.jpg)
Il-grupp MARA rebaħ it-tielet post bil-kanzunetta ‘Ħelu Manna’, miktuba minn Emil Calleja Bayliss b’mużika ta’ Philip Vella. Il-kanzunetta titkellem dwar il-ħlewwa tan-nanniet li ħafna minna kellhom ix-xorti li jesperjenzawha u jgawduha.
Il-premju għall-aħjar tema soċjali mar għand Joe Julian Farrugia bil-kanzunetta ‘Mr X’ interpretata minn Philip Vella. Din il-kanzunetta hija mnebbħa minn każ riċenti f’pajjiżna meta xi ħadd kien irrappurtat mitluf, bla ħadd ma kien jaf x’jismu. Fil-fatt laqqmuh Mr X. Wara ħafna kummenti u tgħajjir fuq Facebook, instab li dan kien diġà miet.
![7.GĦTP22_Premju L-Aħjar Tema Soċjali_Joe Julian Farrugia_Mr X_Credits Photocity – cropped](https://www.ghanjatalpoplu.org/wp-content/uploads/7.GHTP22_Premju-L-Ahjar-Tema-Socjali_Joe-Julian-Farrugia_Mr-X_Credits-Photocity-cropped.jpg)
![8.GĦTP22_L-Għanja Li Tibqa_Tony Camilleri_Credits Photocity small size](https://www.ghanjatalpoplu.org/wp-content/uploads/8.GHTP22_L-Ghanja-Li-Tibqa_Tony-Camilleri_Credits-Photocity-small-size.jpg)
Il-kumitat ta’ L-Għanja tal-Poplu ppreżenta l-premju L-Għanja Li Tibqa’ lil Tony Camilleri L-Għannej għall-kontribut fit-tul li ta lill-kanzunetta Maltija. Tony Camilleri interpreta medley li kienet tinkludi ‘L-Għannej’, ‘Rajt Ma Rajtx, Smajt Ma Smajtx’ u ‘Fit-Tieġ tan-Neputija’.
Valerie Vella ppreżentat il-festival.
L-Għanja tal-Poplu huwa megħjun mill-Kunsill Malti għall-Arti u mill-Aġenzija Kulturali għall-Belt Valletta.