L-Għanja tal-Poplu 2005 ŻGĦAŻAGĦ

Is-Sibt 7 ta’ Mejju 2005 fit-teatru tas-Salesjani f’tas-Sliema.

Il-Kanzunetta Maż-Żifna tat-Tfal interpretata tajjeb min Brooke Borg fuq kliem ta' ħuha Brendan u mużika ta' Doreen Cardinali, rebħet il-festival L-Għanja tal-Poplu Żgħażagħ li din kienet l-ewwel edizzjoni tiegħu u li sar nhar is-Sibt 10 ta' Mejju fit-Teatru Sależjan tas-Sliema.

Fit-tieni post ikklassifikat il-kanzunetta Xi Dwejjaq bil-kantanta Bianca Casha u fuq kliem ta' Rita Pace u kompożizzjoni ta' Jacqueline Cassar, li rebħet ukoll il-premju għall-ahjar Tema Soċjali, kif ukoll il-vot mill-pubbliku preżenti fis-Sala għall-aħjar preżentazzjoni fuq il-palk.

Fuq lirika ta' Keith Zammit u mużika ta' Andrew Zammit, il-kanzunetta Tolleranza kantata minn Jessica Magro rebħet it-tielet post.

Il-ħmistax il-kanzunetta finalista kollha kienu ta' livell għoli u s-serata kienet waħda mill-aktar pjaċevoli li nkludiet ukoll talent ieħor varjat. Dawk kollha li ma kellhomx l-opportunità jkunu fis-sala, ser ikunu jistgħu isegwu dan il-festival fil-futur qrib fuq l-istazzjon televiżiv Education 22.

Jippreżentaw dan il-festival kien hemm ir-rebbieħa tal-edizzjoni tal-kbar ta' l-Għanja tal-Poplu, li din is-sena kienet it-30 edizzjoni tiegħu. Julie Pomorski, flimkien mas-simpatiċi Owen u Daniel.

Kopja ta' double album CD biż-żewġ edizzjonijiet tal-festival flimkien ma' librett bil-lirika kollha tal-kanzunetti, jista' jinxtara mill-ħwienet ewlenin tal-mużika, jew mill-Y.T.C. stess bil-prezz ta' Lm6.50c.

Noel D.Amato
P.R.O.