Kollox Jinbidel Maż-Żmien Poplu Ġeneruż Ngħożżu l-Wirt L-Iben il-Hali Mhux Veru Il-Mara bl-Ghonnella Sewda Kulħadd Għandu l-Art Tiegħu Rekord fuq Rekord Għall-Erwieħ Kastelli fl-Arja Allerġija għall-Bnedmin L-Għanja tal-Għejxien Refuġjat Il-Protesta Il-Kantant Pjanist Ismagħhom

Il-Mara bl-Ghonnella Sewda

Fi żmien li jien żgur ma niftakarx
ġo raħal hawn f'art twelidi,
mara qsajra, timxi baxx baxx,
qalb il-ħdura tal-għelieqi

B'basket tal-qasab imdendel f'idejha
min kienet dan ħadd ma kien jaf.
Ħadd ma jażżarda jħares lejha
b'danakollu hi kienet taf.

Minn ġos-sqaq ta' ħdejn il-pjazza
tħaffef hi kienet il-pass.
Tfal joqogħdu kienu għassa,
kif jarawha x'bard kien jinħass.

X'hemm mistur, għidli ftit,
wara il-mara bl-għonnella sewda?
Għidli naqra, għidli Sinjur.
Dan il-kliem jinstema' kull għodwa.

Forsi saħħara, forsi qaddisa,
kulħadd kurjuż, kulħadd anzjuż.
Filgħaxija tmur dejjem il-Knisja,
ħars kienet taqla' hafna bil-gzuz.

Darba insiet il-bieb miftuħ;
jittawwal mar tifel kuraġġuż.
Jistennew barra qishom bil-ġuħ
il-folla kienet ħerqana.. Ġuż!

It-tifel ħareġ mill-bieb mifxul.
Lanqas kelma ma nissel, tafux!
Mara sbejħa, b'xagħarha maħlul,
f'moħħha kellha biex barra ma ddumx.

Issa li r-rahal kollu sar jaf,
taħt dik l-għonnella ħlief ġmiel ma kienx hawn,
rispett sar hemm issa bla tarf -
kulħadd lilha jitbissem sar...

Għidli ftit, x'hemm mistur
wara il-mara bl-għonnella sewda?
Issa naf, iva Sinjur
Dan issa sar jinstema' kull għodwa.

© 1995-2005 Youth Travel Circle.
Mużika u lirika © l-awturi u kompożituri.
Homepage (disinn, produzzjoni) © Ramon Casha .