Rħewlha lejn il-Qamar Klandestin Aħna Li Ma Mmorrux Fuq Xarabank Viva l-Ġustizzja Id-Dar tal-Provvidenza - L-Akbar Realtà Mhux Minnu Faraġ ta' Xejn Kutrumbajsi Il-Karrakka L-Album tal-Millenju Riflessi Meta Lili n-Nies Tivvota Fid-Dell ta' Ħaddieħor Sibna ż-Żejt Dizzjunarju Propaganda Ddoqq l-Iskotti

L-Album tal-Millenju

Kliem:	Mario F. Caruana
Mużika:	Frederick Camilleri
Ikantaw:	Incorvaja Twins
Isma' parti qasira:

Inkitbu volumi u parċmini..
Min jaf kemm issawru ġrajjiet?
Kemm trabi intgħaġnu f'ġuf ommhom?
Kemm trabi inqerdu fis-skiet?!

Inbnew opri kbar daqs muntanji
u tar l-ajruplan... fis-smewwiet!
Inhakem l-ispazju u l-qamar;
Min jaf kemm-il sfida rnexxiet!

Arahom kemm iżiġġu fis-sema bil-lejl!
Arahom kemm qed jiddu kburin!
Arahom qed jifirħu bi ġmiel il-ħolqien:
Ismagħhom xi jdoqqu l-vjolin!

Ejjew halli nqallbu dan l-album mill-ġdid,
L-arkivji tan-nisel uman:
Turrun ta' ritratti, gelgul tifkiriet...
Millenju li waqqa' l-ħitan!

Intirtu ġojjelli u djamanti,
Kastelli, palazzi, dwejriet;
Intirtu eluf ta' misteri,
Intirtu d-drawwiet tan-nanniet!

Infetħu l-bibien u l-fruntieri,
Ingħaqad il-Lvant mal-Punent;
Il-Ġenna ta' l-Art baqgħet ħolma,
It-tempju bidluh f'monument!

Arahom kemm iżiġġu fis-sema bil-lejl
Arahom kemm qed jiddu kburin!
Arahom qed jifirħu bi ġmiel il-ħolqien:
Ismagħhom xi jdoqqu l-vjolin!

Ejjew ħalli nqallbu dan l-album mill-ġdid,
L-arkivji tan-nisel uman:
Turrun ta' ritratti, gelgul tifkiriet...
Millenju li waqqa' l-ħitan!

Għaddew elfejn sena minn Betlem,
Trabbew bil-miljuni l-ħlejqiet,
Feġġew l-anġli jittajru fis-sema...
Stema' l-kant, stemgħu jidwu l-għanjiet!

© 1995-2005 Youth Travel Circle.
Mużika u lirika © l-awturi u kompożituri.
Homepage (disinn, produzzjoni) © Ramon Casha .