Rħewlha lejn il-Qamar Klandestin Aħna Li Ma Mmorrux Fuq Xarabank Viva l-Ġustizzja Id-Dar tal-Provvidenza - L-Akbar Realtà Mhux Minnu Faraġ ta' Xejn Kutrumbajsi Il-Karrakka L-Album tal-Millenju Riflessi Meta Lili n-Nies Tivvota Fid-Dell ta' Ħaddieħor Sibna ż-Żejt Dizzjunarju Propaganda Ddoqq l-Iskotti

Rħewlha lejn il-Qamar

Kliem:	Alfred E. Baldacchino
Mużika:	Philip Vella
Tkanta:	Nadine Axisa
Isma' parti qasira:

Ħassitha mżebilħa,
u sfruttata,
Aktar ma għaddew il-jiem,
Aktar skartata.
Għalxejn imliet madwarha b'ħafha ilwien,
Għalxejn imħabbitha sawret fi ġnien.
Ħasbet biex titlaq il-bogħod,
Nisġa ġdida tibni bil-mod.
Sejħet il-ħlejjaq madwarha
Ħa jmorru jgħixu fil-ġdida darha.

U telqu il-friefet,
u telqu in-nahal.
Ġurati, ir-rettili,
sa l-għasafar.
u telqu id-dniefel,
Telqu l-ħut
Il-fkieren tal-baħar,
sa l-iċken tad-dud.
u anke il-fjuri,
saħansitra is-siġar.
Flimkien kollha rħewlha,
Lejn il-qamar.

Dalam u sebah,
Wasal il-jum.
Il-bniedem sab ruħu,
Issa waħdu kuljum.
Jinkwieta hu ħaseb ma kellux għalfejn.
Bil-flus, teknoloġija kellu imnejn
Jgħix għal rasu x'jimpurtah
Mill-ħlejjaq li abbandunawh.
'Ma n-nisġa li minnha infatam
Ħallietu għeri, induna x'ħin qam.

U telqu il-friefet,
u telqu in-nahal.
Ġurati, ir-rettili,
sa l-għasafar.
u telqu id-dniefel,
Telqu l-ħut
Il-fkieren tal-baħar,
sa l-iċken tad-dud.
u anke il-fjuri,
saħansitra is-siġar.
Flimkien kollha rħewlha,
Lejn il-qamar.

U il-bniedem ħares,
kollu ħosbien.
Ra l-qamar mimli,
x'armonija, x'ilwien.
u 'l barra maqtugħ minn nisġa tagħhom
Intebaħ li ma setax jgħix mingħajrhom.

© 1995-2005 Youth Travel Circle.
Mużika u lirika © l-awturi u kompożituri.
Homepage (disinn, produzzjoni) © Ramon Casha .