Waj-Tu-Kej Kumbinazzjoni Kif Niftaħ Għajnejja Dak Li Għedtli Dakinhar Bejn Ħaltejn Issa Naf It-Tfal Ta' Llum Diżastru Kif Deherli Jien Il-Bagalja tal-Injam Il-Millenju... Bye Bye Il-Ġenna f'Minjatura Le Xejn Ma Nsejt X'Affarijiet Dawn Miss Scicluna Il-Poeta Għannej

Il-Poeta Għannej

Kliem:	Mario F. Caruana
Mużika:	Mark Spiteri Lucas
Ikanta:	Paul Buhagiar
Isma' l-kanzunetta:

Illejla l-ajru ċar u l-qamar kwinta!
Illejla donnu l-balzmu qed jiżvinta!
Id-dwal għadhom ma ntfewx
u l-qlub għadhom ma ħlewx
...mill-fantasija!

Illejla kulħadd qagħad jiġġerra barra
Jissemma' n-noti mqanqla tal-kitarra!
L-għarajjes jiċċaċċraw,
jitbewsu u jinnamraw
...mal-melodija!

Tgħid fejn għosfor il-poeta
Tgħid min ħonqu kliem ix-xiħ
Tgħid min sikket lill-għannejja
Dan kif kollox tar mar-riħ!!

Mank li kont imqar poeta!
Mank li kelli d-dehen tax-xiħ!
Mank twelidt b'leħen l-għannejja!
Mank nistenbaħ minnufih!

Illejla salpa l-ġifen tal-pirata!
Illejla l-erwieħ ħarġu passiġġata!
L-imsiebaħ qalb il-blat
jilagħbu mal-fatat
...il-mistoħbija!

Illejla ma nstemgħux ifaqqgħu bombi!
Illejla ħarġu l-gzuz mill-katakombi!
L-uċuħ qed jarmu d-dmugħ,
il-ward u ż-żahar ifuħ
...mimlija dija!

Tgħid fejn għosfor il-poeta
Tgħid min ħonqu kliem ix-xiħ
Tgħid min sikket lill-għannejja
Dan kif kollox tar mar-riħ!!

Mank li kont imqar poeta!
Mank li kelli d-dehen tax-xiħ!
Mank twelidt b'leħen l-għannejja!
Mank nistenbaħ minnufih!

Illejla nstemgħet tidwi is-sirena!
Illejla nixtieq kieku npitter xena!
Ma stajtx nagħlaq għajn m'għajn
il-muża f'ħakka t'għajn
...biddlet xortija!

Illejla d-dinja donnha ġejja f'tagħha!
Illejla anke d-dgħajjef ġietu s-saħħa!
Id-dalma nbidlet f'dawl
il-ħolma saret qawl
...u poeżija!

Tgħid fejn għosfor il-poeta
Tgħid min ħonqu kliem ix-xiħ
Tgħid min sikket lill-għannejja
Dan kif kollox tar mar-riħ!!

Mank li kont imqar poeta!
Mank li kelli d-dehen tax-xiħ!
Mank twelidt b'leħen l-għannejja!
Mank nistenbaħ minnufih!

© 1995-2005 Youth Travel Circle.
Mużika u lirika © l-awturi u kompożituri.
Homepage (disinn, produzzjoni) © Ramon Casha .