Festi Infernali Meta Dan l-Aħħar F'Ħajjtek Daħħal Daqsxejn Mużika Daqsxejn Tolleranza Tempju tal-Qedem Diana Warrbuli Valletta - Belt Qalbiena Tisma' Spiss Ix-Xiħ Fejn Staħbew Taparsi Kalejdoskopju Kemm Jien Beżżul Suppost L-Isbaħ Raqda Il-Bieb Miftuħ L-Imħatra

Daqsxejn Tolleranza

Darba qomt filgħodu kmieni bla ma naf kif għandi nqis,
ġietni dlonk l-ispirazzjoni li ridt nibdel il-pajjiż.
Ġbart xi nofs tużżana miegħi, bdejna nimmarċjaw fit-triq,
min bis-sewwa w min iħanxar qalb murtali w għajjat sfiq.

Min il-bieb sabbtilna f'wiċċna u min stmagħna ta' xi rè
min għamlilna intervista w min bagħtna nieħdu kafè.
Min ibierek, min izekzek, min waqqagħna għaż-żufjett.
Min għaddiena ta' spissjati, b'ħarsa tinfed daqs stallett.

Irridu ftit daqsxejn tolleranza fil-pajjiż,
forsi b'hekk jonqsu l-kalmanti, il-kliem fil-vojt u l-ħmerijiet.
Mela naraw ftit x'sejrin nagħmlu biex niftehmu b'wiċċ il-ġid
għax jien xbajt ngħaddi ħajja tat-tilqit... ħajja tat-tilqit.

Dak inhar ma' kollox qbadna - kif il-Belt qisu kunvent,
kif il-ħabs sar bħal lukanda w fuq il-ħsara tal-ambjent.
Fuq it-taxxi w l-irċevuti, fuq l-istereo tal-ġirien,
fuq kif meta sħabek laħqu kulħadd donnu sar dubbien!

Irridu ftit daqsxejn tolleranza fil-pajjiż,
forsi b'hekk jonqsu l-kalmanti, il-kliem fil-vojt u l-ħmerijiet.
Mela naraw ftit x'sejrin nagħmlu biex niftehmu b'wiċċ il-ġid
għax jien xbajt ngħaddi ħajja tat-tilqit... ħajja tat-tilqit.

Kif kull meta nxommu l-Għarab dlonk ngħajruhom maħmuġin,
biex imbgħad xi friġġ jew saqqu fl-eqreb għalqa mormijin.
Biex inżommu t-tradizzjoni arak sejjer il-quddies
biex imbgħad b'kuxjenza ħielsa tara x'taqla' fuq in-nies.

Irridu ftit daqsxejn tolleranza fil-pajjiż,
forsi b'hekk jonqsu l-kalmanti, il-kliem fil-vojt u l-ħmerijiet.
Mela naraw ftit x'sejrin nagħmlu biex niftehmu b'wiċċ il-ġid
għax jien xbajt ngħaddi ħajja tat-tilqit... ħajja tat-tilqit.

© 1995-2005 Youth Travel Circle.
Mużika u lirika © l-awturi u kompożituri.
Homepage (disinn, produzzjoni) © Ramon Casha .