Festi Infernali Meta Dan l-Aħħar F'Ħajjtek Daħħal Daqsxejn Mużika Daqsxejn Tolleranza Tempju tal-Qedem Diana Warrbuli Valletta - Belt Qalbiena Tisma' Spiss Ix-Xiħ Fejn Staħbew Taparsi Kalejdoskopju Kemm Jien Beżżul Suppost L-Isbaħ Raqda Il-Bieb Miftuħ L-Imħatra

Warrbuli

Warrbuli, warrbuli
Ma rridx li nitlef żmien.
warrbuli, żululi, ersquli -
it-triq kollha krejtha jien

X'ħin jiftilli l-gass nagħfsilha
daws ir-riħ intir sparat
u kultant mal-lane ta' barra
tlikki tlikki... insuq qisni ċċassat.

U fin-nofs, mal-ħġieġ ta' wara
biex ma jaħsbunix mażun,
waħħalt sticker "I love Jesus",
u mal-mera dendilt ukoll par qrun

Iżda jekk il-ħorn iddoqqli
ninżel bħal sajjetta għalik
u addio "I love Jesus"
għax b'kull m'għandek żgur nibda' noffendik!

U iss' għandna xalata
bin-number plates varjati
għax kelli tletin lira
ridthom personalizzati

Jiena TOM jiena TED
Jiena FUN jiena BAD
Jiena FLY jiena SPY
Jiena LUV jiena SHY

Kreattività mill-aqwa,
l-ebda wieħed bħall-oħrajn
JOE jawn jiġru xi tliet mija
U jiena veru TOP-999

Warrbuli, warrbuli
Ma rridx li nitlef żmien.
warrbuli, żululi, ersquli -
it-triq kollha krejtha jien

Dak l-imbierek indicator
ħafna drabi ma nagħmlux
Issa wkoll - xi ħlew! - bis-seat belt
Jien no problem, naraħ u ma nilbsux.

U 'kk fit-triq lil sieħbi nilmaħ
bil-karozza ġej lil hawn
nieqfu t-tnejn ħa ngħidu kelma
u it-triq kollha għal kwarta nimblukkaw

Imbgħad forsi x'ħin jiftilli
għax tat-triq jien is-sultan
dlonk it-tyres ngħaqqadhomlha
u nisparixxi ġo sħaba ta' duħħan.

U iss' għandna xalata
bin-number plates varjati
għax kelli tletin lira
ridthom personalizzati

Jiena SUE jiena ANN
jiena HOT jiena MAN
jiena SIX jiena SAX
jiena PAT jiena MAX

Kreattività mill-aqwa
jiena RED u jiena BLU
jien m'hemmx ċajt għax 007,
u jiena RMJ bit-222

Warrbuli, warrbuli
Ma rridx li nitlef żmien.
warrbuli, żululi, ersquli -
it-triq kollha krejtha jien.

© 1995-2005 Youth Travel Circle.
Mużika u lirika © l-awturi u kompożituri.
Homepage (disinn, produzzjoni) © Ramon Casha .