L-Isbaħ Raqda

Il-vjaġġ li bdejt minn issa
se jieħdok f'post sabiħ,
ix-xita qatt ma tinżel,
u qatt ma jagħmel riħ.

Il-logħob li bih se tilgħab
ma ssibu fl-ebda dar,
ħadd m'hu se jgħidlek "Iskot,
iss' idħol, il-ħin sar."

Hemm fuq m'hemmx karti w kotba,
hemm fuq ma tgħejja qatt.
Titbissem il-ħin kollu,
issellem 'il kulħadd.

Hemm għandek l-isbaħ ħwejjeġ
u l-aktar ikel bnin.
Fuq kollox għandek lilu,
Missier tassew ħanin.

Ġib ruħek sew, obdini.
Hemmhekk mhux post taċ-ċajt.
Nixtieq li tibgħat tgħidli
minn fejn għaddejt u x'rajt.

Kif tara lil riesqa
ilqagħni bla dewmien
biex iddawwarni dawra,
turini kullimkien.

Hemm fuq m'hemmx karti w kotba,
hemm fuq ma tgħejja qatt.
Titbissem il-ħin kollu,
issellem 'il kulħadd.

Hemm għandek l-isbaħ ħwejjeġ
u l-aktar ikel bnin.
Fuq kollox għandek lilu,
Missier tassew ħanin.

Ħa ngħidlek l-aħħar kelma,
hawn isfel m'hawnx sabiħ
hawn isfel nibku ħafna,
u nxerrdu dmugħ qatigħ.

Hemm fuq m'hemmx karti w kotba,
hemm fuq ma tgħejja qatt.
Titbissem il-ħin kollu,
issellem 'il kulħadd.

Hemm għandek l-isbaħ ħwejjeġ
u l-aktar ikel bnin.
Fuq kollox għandek lilu,
Missier tassew ħanin.

© 1995-2005 Youth Travel Circle.
Mużika u lirika © l-awturi u kompożituri.
Homepage (disinn, produzzjoni) © Ramon Casha .