Kemm Jien Beżżul

Kliem:	Joe M. Farrugia
Mużika:	Philip Vella
Ikanta:	Philip Vella

Sirt nemmen fl-oroskopju għaliex qatt ma n/Ħibha żewġ
u dejjem matul ħajti kelli nimxi kontra l-mewġ
ma nafx ommi x'mar fettilla ma skappatx lil din l-istilla
ma ħasbitx daqsxejn fit-tul u ġejt beżżul,
kemm jien beżżul!

Jekk ħuti kienu jkissru għid li dejjem neħel jien
jekk nitlob għall-għajnuna lil kulħadd insib għajjien
għax twelidt taħt din l-istilla naf li qatt m'hu ser nibbrilla
donnu għandi xi magħmul u ġejt beżżul
kemm jien beżżul!

Beżżul, phu hemm jien beżżul!
Nixtieq nibdel il-futur forsi ndawwar il-pinnur.
Beżżul, phu kemm jien beżżul,
U jekk taf b'xi ieħor bħali
laqqgħu miegħi ħa jikkunslani.
Ma niflaħx għal dal-magħmul għal żmien fit-tul...
Kemm jien beżżul

Jekk titla' l-lotterija lanqas biss ma niġi qrib
U jekk tfaqqa' epidemija għid millewwel lili ssib
U tort ta' din l-istilla jekk nitħajjar għall-bigilla
għid li żgur jispiċċa l-ful għax ġejt beżżul
Kemm jien beżżul.

U jekk niffansja tfajla din dritt tgħidli ġej l-għarus
destinat li noqgħod waħdi, m'għandi 'l ħadd lil min inbus.
u jekk tfajla ifettilla taħseb illi jien xi stilla,
fittex ejja u tħallix daqshekk fit-tul
għax jien beżżul!

Beżżul, phu hemm jien beżżul!
Kemm hu tajjeb li tkun bħali -
jiġri x'jiġri qatt ma tagħli
Jekk tiżbalja w jindunaw li int mifxul...
għid l'int beżżul!

© 1995-2005 Youth Travel Circle.
Mużika u lirika © l-awturi u kompożituri.
Homepage (disinn, produzzjoni) © Ramon Casha .