Festi Infernali Meta Dan l-Aħħar F'Ħajjtek Daħħal Daqsxejn Mużika Daqsxejn Tolleranza Tempju tal-Qedem Diana Warrbuli Valletta - Belt Qalbiena Tisma' Spiss Ix-Xiħ Fejn Staħbew Taparsi Kalejdoskopju Kemm Jien Beżżul Suppost L-Isbaħ Raqda Il-Bieb Miftuħ L-Imħatra

Tempju tal-Qedem

Kemm nixtieq illi kont ngħarrex
f'tempju jbaqbaq bin-nirien;
u nintasab għarkobbtejja
talbi joħnoq kullimkien.

Kemm batew missirijietna
meta kienu miġburin
f'maqdes kbir li jagħti qima
lill-allat hemm fuq reqdin.

Fit-tgħanniq ta' dirgġajn bieżla
hemm moħbija wċuħ ħenjin
qiegħda nisma' l-vini jbaqbqu
b'demm il-għaqda tal-Maltin.

Tempju tal-Qedem jien lilek insellem.
Tempju tal-Qedem nixtieq noqgħod ħdejk.
Ejja qrib tiegħi u għidilna l-istorja -
storja ta' mħabba li jixhdu għajnejk.

Tfajla ħelwa offriet ruħha,
biex lil artha tagħti ġieħ
u tinħaraq fuq il-midbaħ;
kemm tbatija, kemm uġigħ.

Dan għamlithu biex lill Malta
tara ħielsa minn kull xkiel;
kienet lesta xxerred demmha,
tal-imħabba tagħti ħjiel.

Tempju tal-Qedem jien lilek insellem.
Tempju tal-Qedem nixtieq noqgħod ħdejk.
Ejja qrib tiegħi u għidilna l-istorja -
storja ta' mħabba li jixhdu għajnejk.

Niżżuk ħajr tfajla qalbiena,
int eżempju għal kulħadd.
Għalkemm ismek fil-blat moħbi
ma tintesa qatt u qatt.

Tempju tal-Qedem jien lilek insellem.
Tempju tal-Qedem nixtieq noqgħod ħdejk.
Tempju tal-Qedem fik nara t-tjubija
Tempju tal-Qedem fik nilmaħ il-ġens
li niżel iqim l-allat mistoħbija
u fihom sab ħajtu, fihom sab wens.

© 1995-2005 Youth Travel Circle.
Mużika u lirika © l-awturi u kompożituri.
Homepage (disinn, produzzjoni) © Ramon Casha .