Valletta - Belt Qalbiena

Qiegħed nilmaħ fil-qrib mara sbejħa
li min jaf kemm issieltet u bkiet
u kemm xorbot imrar tul is-sekli
u mit-tama lil qalbha mliet.

Qiegħed nilmaħ 'l uliedna jkellmuni
u jistqarru l-uġigħ u l-imrar
u jkantaw għanja waħda li f'qalbhom
tixgħel fjamma li tkebbes ix-xrar.

Int il-mara tal-ħolm tiegħi,
fija tqajjem xewqat sbieħ
jien f'dirgħajk nintelaq ħieni
issaħħarni minnufih

Jien nitqanqal għal imħabbtek
quddiem ġismek wisq sabiħ
u fil-ġonna tal-ħsieb tiegħi
nidħol ngħarrex bl-akbar ġieħ

Inħoss bewstek issaħħan 'il qalbi
u toffrili ward sbejjaħ u jfuħ
il-palazzi u l-bereġ jgħannulek
salmi ħiemda li jserrħu r-ruħ.

Jien f'għajnejk nilmaħ kwiekeb ileqqu
fuq ħaddejk nara ħmuret ix-xemx
sidrek jitla' u jinżel mal-mixja
mara għaqlija li bħalek żgur m'hemmx.

Int il-mara tal-ħolm tiegħi,
fija tqajjem xewqat sbieħ
jien f'dirgħajk nintelaq ħieni
issaħħarni minnufih

Jien nitqanqal għal imħabbtek
quddiem ġismek wisq sabiħ
u fil-ġonna tal-ħsieb tiegħi
nidħol ngħarrex bl-akbar ġieħ

Inti mdawra bil-fidi ta' niesna,
turi l-ħila u l-għerf ta' dal-ġens
u nistgagħġbu bi swarek qalbiena
isaħħruna fil-ġabra w fil-wens

Int il-mara tal-ħolm tiegħi,
fija tqajjem xewqat sbieħ
jien f'dirgħajk nintelaq ħieni
issaħħarni minnufih

Jien nitqanqal għal imħabbtek
quddiem ġismek wisq sabiħ
u fil-ġonna tal-ħsieb tiegħi
nidħol ngħarrex bl-akbar ġieħ.

© 1995-2005 Youth Travel Circle.
Mużika u lirika © l-awturi u kompożituri.
Homepage (disinn, produzzjoni) © Ramon Casha .